- స్వతంత్రులు, చిన్న పార్టీలకు రాష్ట్రంలో వచ్చిన ఓట్లు 9,48,137
- అత్యధికంగా వరంగల్లో 85,284 ఓట్లు వాళ్లకే
- మెదక్లో 81,537, కరీంనగర్లో 80,228, పెద్దపల్లిలో 76,718 ఓట్లు
- 5 స్థానాల్లో ఏఐడీఆర్ పార్టీకి నాలుగో స్థానం.. నోటాకూ రాష్ట్రవ్యాప్తంగా 1.04 లక్షల ఓట్లు
- మల్కాజిగిరిలో అత్యధికంగా 13,366.. ఆదిలాబాద్లో 11,762 ఓట్లు నోటాకు
హైదరాబాద్, వెలుగు: రాష్ట్రంలో లోక్సభ ఎన్నికల్లో ఇండిపెండెంట్లు, చిన్న పార్టీల అభ్యర్థులు ప్రభావం చూపించారు. ప్రత్యేకించి వరంగల్, మెదక్, కరీంనగర్, పెద్దపల్లి, మహబూబ్నగర్, భువనగిరి సెగ్మెంట్లలో ఒక్కో చోట దాదాపు 80 వేల దాకా ఓట్లు వీళ్లకే వచ్చాయి. మొత్తంగా 17 నియోజకవర్గాల్లోనూ ఇండిపెండెంట్లు, చిన్న పార్టీల అభ్యర్థులకు కలిపి 9,48,137 ఓట్లు పోలయ్యాయి.
అత్యధికంగా వరంగల్లో ఇండిపెండెంట్లు, చిన్న పార్టీల అభ్యర్థులకు కలిపి 85,284 ఓట్లు పోలయ్యాయి. మెదక్లో 81,537, కరీంనగర్లో 80,228, పెద్దపల్లిలో 76,718, మహబూబాబాద్లో 76,232, భువనగిరిలో 75,717 ఓట్లు వారికి పడ్డాయి. అత్యల్పంగా హైదరాబాద్ సెగ్మెంట్లో ఇండిపెండెంట్లకు 9,940 ఓట్లు పోలయ్యాయి.
ఇటు నోటాకూ రాష్ట్రవ్యాప్తంగా 1,04,244 ఓట్లు పడగా.. అత్యధికంగా మల్కాజ్గిరి నియోజకవర్గంలో 13,366 మంది నోటాకు ఓటేశారు. ఆదిలాబాద్లోనూ 11,762 ఓట్లు నోటాకు పడ్డాయి.
ఏఐడీఆర్కు చాలా చోట్ల ఫోర్త్ ప్లేస్
ఆలిండియా డెమొక్రటిక్ రీఫార్మ్స్(ఏఐడీఆర్) పార్టీ రాష్ట్రంలోని పలు నియోజకవర్గాల్లో ఫోర్త్ ప్లేస్లో నిలిచింది. ఆదిలాబాద్, మహబూబ్నగర్, మెదక్, నాగర్కర్నూల్, వరంగల్ నియోజకవర్గాల్లో ఆ పార్టీ నాలుగో ప్లేస్లో ఉంది. అయితే, బహుజన్ సమాజ్ పార్టీ ఏ మాత్రం ప్రభావం చూపించలేకపోయిది. చాలా చోట్ల ఇండిపెండెంట్లకు వచ్చినన్ని ఓట్లను కూడా ఆ పార్టీ సాధించలేకపోయింది.
